Idioma huasteco

Huasteco 'Téenek'
Faláu en	Méxicu
Rexón	San Luis Potosí, Veracruz, Tamaulipas.
Falantes	173 765 (INEGI, 2015)
Puestu	Non nos 100 mayores (Ethnologue 1996)
Familia	Llingües mayenses  Huastecanas   Idioma huasteco
Estatus oficial
Oficial en	En Méxicu tien reconocencia como llingua nacional [1]
Reguláu por	Secretaría d'Educación Pública
Códigos
ISO 639-1	nengún
ISO 639-2	myn (coleutivu)
ISO 639-3	hus
Estensión del huasteco

L'idioma huasteco o téenek ye una llingua mayense falada nel norte de la mariña del golfu de Méxicu, nos estaos de San Luis Potosí, Veracruz y Tamaulipas. Ye la única llingua viva de la caña huastecana d'esa familia llingüística tres la estinción del chicomuselteco, confirmada na década de 1980. Tamién ye la única que s'atopa fora del gran ámbitu territorial de les llingües mayes, esto ye, el sureste de Méxicu, Guatemala y El Salvador. Les hipótesis pa esplicar esta separación apunten a dos posibilidad: qu'antes de la separación llingüística, había un corredor de llingua mayense qu'ocupaba tola mariña del golfu, o bien; que hai unos trés mil años, los falantes del antecesor del huasteco emigraron dende l'área nuclear maya escontra'l norte. Na actualidá, el huasteco tien 173 233 falantes. Diversos estudios de la UNAM amosaron que mientres la conquista española prohibióse usar esta llingua en ciertos contestos y cuando dalgún atrevíase a falar nella yera severamente castigáu y reprendíu^{[ensin referencies]}.

El nome del idioma Huasteco na mesma llingua ye Téenek, anque xeneralmente conózse-y como "huasteco". Ésti ye en realidá'l nome náhuatl que pasó dempués al español.

Siguiendo la estructura de les demás llingües mayenses, el huasteco o "tének" -como se autonombra- ye una llingua ergativa, esto ye, un sistema onde los verbos añaden sufixos y prefixos a un raigañu pa indicar persones (1a, 2ª, o 3ª), númberu (singular o plural), tiempos (aición perfecta o aición imperfecta) o otres carauterístiques (participiu xerundiu).